AQSh harbiy-havo kuchlari bosh shtabi boshlig‘i Charlz Braunning aytishicha, AQShning kelajakdagi urushni kuch jihatdan o‘ziga teng keladigan mamlakat bilan olib boradi va u katta yo‘qotishlarga olib kelishi mumkin. Uning “O‘zgarishni tezlashtirish yoki mag‘lub bo‘lish” nomli ma’ruzasidan parcha Defence News portali tomonidan keltirilgan.
“Ikkinchi Jahon urushi davrida duch kelinganiga o‘xshash jangovar yo‘qotish va xalqqa xavf tug‘diruvchi urush olib borishga tayyor bo‘lishimiz kerak”, — deya Braunning gaplaridan iqtibos keltirmoqda portal.
U avvalgi rahbariyatning qarorlari Xitoy va Rossiya bilan poyganing tez o‘zgarayotganligi sharoitida zarur bo‘lgan kerakli natijalarga erishishga imkon bermaganini ta’kidlagan.
Braunning fikricha, Vashington harbiy salohiyat jihatidan AQShnikiga teng keluvchi davlat bilan to‘qnashishi mumkin. Bunday holda ushbu jangovar harakatlar AQSh kuchlari so‘nggi 20 yil davomida olib borgan urushlardan sezilarli darajada farq qiladi.
“Bo‘lajak urush bizning qirg‘oqlarimizdan uzoq qolmaydi”, — deya xulosa yasagan Amerika harbiy havo kuchlari shtabining yangi rahbari.
Xabarda qayd etilishicha, Charlz Braun harbiy-havo kuchlarini rivojlantirish haqidagi tasavvurlari haqida 14-sentabr, dushanba kuni batafsilroq aytib beradi. Shtabga 6-avgustdan buyon rahbarlik qilib kelmoqda.
Mavzuga doir:
- Tramp AQShning boshqalarga noma’lum qurollari borligini ma’lum qildi
- Shvetsiya parlamenti a’zosi Norvegiya ortidan Trampga tinchlik bo‘yicha Nobel mukofoti berishni taklif qildi
- Pentagon harbiy sohadagi uch yo‘nalishda Xitoyning ustunligini tan oldi
- Donald Tramp AQSh kosmik kuchlari Rossiya va Xitoyning harakatlari sababli tuzilganini ma’lum qildi
Izoh (0)