Ichki ishlar vazirligi tizimida yangi lavozim tayinlovlari amalga oshirildi

Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda vazirlik matbuot xizmati xabar berdi.

Unga ko‘ra, quyidagilar rahbarlik lavozimlariga tayinlandi:

Podpolkovnik Sabit Utambetov Qorao‘zak tumani IIB boshlig‘i lavozimiga tayinlandi. Tayinlovga qadar Sabit Utambetov Nukus shahar bo‘yicha IIO FMB boshlig‘ining birinchi o‘rinbosari lavozimida faoliyat yuritgan.

Podpolkovnik Abrorjon Mavlonov Uchko‘prik tumani IIB boshlig‘i lavozimiga tayinlandi. Tayinlovga qadar Abrorjon Mavlonov O‘zbekiston tumani IIB boshlig‘ining birinchi o‘rinbosari lavozimida faoliyat yuritgan.

Podpolkovnik Sardorbek Umarov Asaka tumani IIB boshlig‘i lavozimiga tayinlandi. Tayinlovga qadar Sardorbek Umarov Baliqchi tumani IIB boshlig‘i lavozimida faoliyat yuritgan.

Podpolkovnik Nurillo Biloloxunov Baliqchi tumani IIB boshlig‘i lavozimiga tayinlandi. Tayinlovga qadar u Asaka tumani IIB boshlig‘i lavozimida faoliyat yuritgan.

Podpolkovnik Zafar Tursunov G‘uzor tumani IIB boshlig‘i lavozimiga tayinlandi. Tayinlovga qadar Zafar Tursunov Qarshi shahar bo‘yicha IIO FMB boshlig‘ining birinchi o‘rinbosari lavozimida faoliyat yuritgan.

Podpolkovnik G‘ayrat Xo‘jamqulov Qiziriq tumani IIB boshlig‘i lavozimiga tayinlandi. Tayinlovga qadar Muzrabot tumani IIB boshlig‘i o‘rinbosari lavozimida faoliyat yuritgan.

Shuningdek, Podpolkovnik Dilmurod Valiyev Angren shahar IIB boshlig‘i lavozimiga tayinlandi. Tayinlovga qadar u Olmaliq shahar IIB boshlig‘i lavozimida faoliyat yuritgan.

Eslatib o‘tamiz, mart, aprel va iyun oylarida ham ichki ishlar tizimida bir qator tayinlov amalga oshirilgan edi.