“Manchester Yunayted” yarim himoyachisi Pol Pogba jamoasini tark etishi mumkin.
Tuttosport’ning xabar qilishicha, fransiyalik futbolchi “Yuventus”ga qaytishni istamoqda va yozda Turin klubidan bu borada faollik kutgan.
O‘z navbatida “Manchester Yunayted” Pogba transferi bo‘yicha hech qanday chegirmalarni amalga oshirmoqchi emas va uning uchun 120-130 million yevro so‘ramoqda.
Pol Pogbaning ingliz klubi bilan amaldagi shartnomasi 2022-yilga qadar mo‘ljallangan va yangi shartnoma borasida muzokaralar Pogba hamda uning agenti Mino Rayolani u qadar qiziqtirmayapti.
Ta’kidlanishicha, Pogba yangi bitim imzolashdan bosh tortishi mumkin. Shunda uning narxi 2021-yilda yilda sezilarli darajada arzonlashadi va bu “Yuventus”ga imkoniyat yaratishi mumkin.
2019/20-yilgi mavsumda 27 yoshli futbolchi Premyer Ligada 16 o‘yin o‘tkazib, bitta golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)