Futbol bo‘yicha Coca-Cola Superliga 13-turida “Metallurg” 29-avgust, shanba kuni “Mash’al” bilan bahs yuritdi.
Uchrashuvning 5-daqiqasida Murod Bobojonov bekobodliklarni oldinga olib chiqdi. Bunga muborakliklar 40-daqiqada Humoyun Murtozayevning goli bilan javob qaytardi.
Ikkinchi bo‘lim debyuti ham “Metallurg” uchun omadli keldi. 49-daqiqada Salamat Qutiboyev tomonidan kiritilgan to‘p “ma’danchilar” g‘alabasini ta’minladi.
Shu tariqa Andrey Shipilov shogirdlari 22 ochko bilan 6-o‘ringa ko‘tarildi. To‘rt o‘yinlik mag‘lubiyatsiz seriyadan keyin ilk bor yutqazgan “Mash’al” esa (16) 8-pog‘onada qolmoqda.
Coca-Cola Superliga
13-tur bahsi
29-avgust, shanba
“Metallurg” — “Mash’al” 2:1
Gollar: 1:0 – 5 Bobojonov, 1:1 – 40 Murtozayev, 2:1 – 49 Qutiboyev.“Metallurg”: Aleksandr Lobanov, Abbos Otaxonov, Doniyor Narzullayev, Salamat Qutiboyev (Xudoyshukur Sattorov, 81), Shahzod Ubaydullayev, Murodbek Bobojonov (Mahmudjon Qudratillayev, 56), Kamoliddin Tojiyev, Abdurahmon Abdulhaqov (Abror Toshqo‘ziyev, 75), Ixtiyor Toshpo‘latov, Stanislav Andreyev, Yevgeniy Chumak.
“Mash’al”: Rahimjon Davronov, Najmiddin Normurodov, Ifeani Ifeani, Nikita Pavlenko, Sherzod Temirov, Jamoliddin Ubaydulloyev, Abbos Shodmonov (Muhammadali Aliqulov, 88), Sardor Abduraimov (Sirojiddin Rahmatullayev, 46), Sirojiddin Qo‘ziyev (Ibrohim No‘monov, 74), Samandar Shukurullayev, Humoyun Murtozayev (Ella Ken Armand, 69).
Ogohlantirishlar: Shukurullayev (17), Murtozayev (19), Qo‘ziyev (68), Chumak (73).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)