Britaniyaning Xtera va Yaponiyaning KDDI Research kompaniyalari muhandislari o‘zaro hamkorlikda internet tezligi rekordini yangiladi, deb xabar beradi New Atlas.
Yangi tezlik 178 Tb/soniyani tashkil etdi. Bu tezlik bilan Netflix’ning jami videotekasini bir soniyada ko‘chirib olsa bo‘ladi.
Bu tezlikka signalni 16,9 TGs chastotada uzatuvchi, optik tolali kabel o‘tkazuvchanligini oshiruvchi yangi texnologiya yordamida erishilgan. Rekord tezlikka erishish uchun ishlatilgan kabellar qo‘llanilgan. Faqat har 100 kilometrda yangilangan kuchaytirgichlar o‘rnatilgan.
Hozirgi kunda oddiy foydalanuvchi uchun eng yuqori tezlik 10 Gb/soniya atrofida. Bu qulaylikdan Yaponiya, AQSh va Yangi Zelandiya aholisining bir qismi foydalanmoqda.
Eslatib o‘tamiz, may oyida Avstraliyaning Svinbern texnologiya universiteti va Melburn qirollik texnologiya universiteti (RMIT) tadqiqotchilari tarmoqqa ulanish tezligi bo‘yicha yangi rekordni o‘rnatgan edi — 44,2 Tb/soniya.
Izoh (0)