“Buxoro” klubi bosh murabbiyi Jamshid Saidov Coca-Cola Superliga 10-turi doirasida “Qizilqum”ga qarshi kechgan o‘yindan so‘ng o‘z fikrlari bilan o‘rtoqlashdi.
O‘yin haqida nima deyishim mumkin? Bitta penalti hammasini hal qildi. Futbolchilarga katta rahmat, jamoamiz oxirigacha kurashdi. Qisqa vaqt ichida ketma-ket o‘yin o‘tkazish oson emas. Tarkibimizda yoshlar ko‘p va ularga vaqt kerak bo‘ladi. Afsuski, o‘zimiz kutgan natijaga erisha olmadik.“Buxoro” 10-turga kelib uchta durang qayd etgan holda so‘nggi o‘rinni egallab turibdi. Jamoa keyingi turda “Surxon” bilan o‘ynaydi.Yozgi transfer oynasida tarkibni kuchaytirishga harakat qilamiz, lekin bu o‘rinda klubdagi moliyaviy ahvolni ham hisobga olish kerak. Klubda qiyinchiliklar bor. Muammo hal bo‘lmagunga qadar PFL yangi o‘yinchilarni ro‘yxatdan o‘tkazmaydi, shu bois hammasi joyiga tushishini kutamiz. Safimizda ba’zi futbolchilar endi ikkinchi o‘yinini o‘tkazdi. Ularni ham tushunish kerak.
Jamshid Saidov, “Buxoro” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)