“Yuventus” hujumchisi Krishtianu Ronaldu Turin klubini tark etmoqchi emas.
CalcioNews’ga ko‘ra, portugaliyalik futbolchi jamoaning yangi bosh murabbiyi Andrea Pirlo bilan gaplashib, uning rejalarini muhokama qilgan. Pirlo Ronalduni “Yuventus”ning asosiy o‘yinchisi ekanligiga ishontirgan va klub uni sotmasligini ma’lum qilgan.
Hozircha hujumchi o‘z atrofidagi mish-mishlarga (jamoani tark etishi haqidagi) e’tibor bermayapti.
Avvalroq ispaniyalik taniqli jurnalist, futbol eksperti Gilyem Ballage “Yuventus” Ronalduning yuqori maoshi tufayli undan qutulishni istayotgani haqida xabar bergandi. U Ronalduning ko‘plab klublarga, xususan “Barselona”ga ham taklif qilganini da’vo qilgandi.
Ma’lumot uchun, Ronalduning “Yuventus” bilan shartnomasi 2022-yil yozida yakuniga yetadi.
Ronaldu 2018-yil yozida “Real”dan “Yuventus”ga o‘tgandi. Futbolchi 2019/20-yilgi mavsum Italiya chempionatida 33 ta o‘yin o‘tkazib, 31 ta gol urib, 5 ta golli uzatmani amalga oshirdi.
Mavzuga doir:
- Krishtianu Ronaldu PSJga o‘tib ketishi mumkin. Uning agenti parijliklar bilan uchrashdi
- Ronaldu Chempionlar Ligasida 130 ta gol urgan ilk futbolchiga aylandi. Messi esa Krishtianudan 16 ta golga ortda qolmoqda
- Fakt: Ronaldu “Yuventus”ga kelgach jamoaning hech bir futbolchisi Chempionlar Ligasi pley-offida gol ura olmagan
Izoh (0)