50 nafar olimdan iborat guruh COVID-19’ga qarshi kurashda aerozol sifatida foydalanish mumkin bo‘lgan sun’iy molekulani yaratdi. Molekula lama, tuya hamda alpakada aniqlangan antitanalar asosida yaratilgan, deb yozadi Vice.
Olimlar o‘z maqolasida AeroNabs COVID-19’ga qarshi kurashda yordam berishi, SARS-CoV-2 virusining hujayralarga yopishishining oldini olishi haqida yozgan. Olimlarning fikricha, bundan infeksiya profilaktikasi yoki dastlabki bosqichlarda terapevtik vosita sifatida foydalanish mumkin. Molekulalar virusning inson organizmida ko‘payishiga yo‘l qo‘ymaydi.
“O‘zaro ta’sirning buzilishi virus kirib borishini kuchli neytrallashtirib, vaksina va terapevtik antitana rivojlanish yo‘lini ta’minlaydi”, — deyiladi maqolada. E’tiborli jihati, AeroNabs ta’siridagi virus boshqa odamga yuqmaydi, chunki u sun’iy zarralar bilan bog‘langan bo‘ladi. Hozircha AeroNabs klinik sinovlardan o‘tib bo‘lmagani sabab uning pandemiyada qanchalik samara berishi noma’lum.
Mavzuga doir: Olimlar inson organizmi immun tizimining koronavirusga qarshi xavfli reaksiyasini aniqladi
Izoh (0)