Koronavirus haqidagi soxta ma’lumotlar dunyo bo‘ylab kamida 800 kishining o‘limiga sabab bo‘lgan. Bu haqda Amerikaning Tropik tibbiyot va gigiyena jurnaliga tayanib “Korrespondent.net” xabar berdi.
Tadqiqot Avstraliya, Bangladesh, Tailand va Yaponiyadan o‘nta olim tomonidan o‘tkazilgan. Olimlarning aniqlashicha, qurbonlarning aksariyati metanol yoki alkogol asosidagi dezinfeksiyali moddalar bilan zaharlanish natijasida shunday holga tushgan. Ular yuqoridagi moddalardan tayyorlangan dezinfeksiya vositasini COVID-19’ni “davolash” sifatida ishlatgan.
Xususan, olimlar dunyoning 87 mamlakatidan kelgan 2 276 ta xabarni tahlil qilgan, ularning aksariyatida koronavirus kasalligining tabiati, uning yuqish yo‘llari, profilaktika choralari va davolash usullari haqida soxta ma’lumotlar mavjud.
Bunday xabarlar natijasida turli mamlakatlarda 800 ga yaqin odam vafot etgan, 60 kishi ko‘rish qobiliyatini yo‘qotgan va qariyb olti ming kishi tibbiy yordamga muhtoj bo‘lib qolgan.
Avvalroq Rossiya razvedkasining 2 xodimi koronavirus haqida yolg‘on ma’lumotlar tarqatgani haqida xabar berilgan edi.
Mavzuga doir:
- JSST vakili koronavirus vaksinasi haqidagi yolg‘on ma’lumotlar xavfidan ogohlantirdi
- “Bunga raddiya berishning o‘zi ahmoqona”. Bill Geyts koronavirus vaksinasi orqali insoniyat chiplashtirilayotgani haqida
- Buyuk Britaniyada fitna nazariyasi tarafdorlari koronavirusdan saqlanish uchun mobil aloqa minoralariga hujum qildi
Izoh (0)