Misrda besh nafar bloger qiz ijtimoiy tarmoqlarda e’lon qilgan videoroliklari sabab ikki yilga ozodlikdan mahrum etildi, deb xabar beradi Reuters.

Ma’lumotlarga ko‘ra, sud ularni axloqsizlikni targ‘ib qilishda va odam savdosida aybdor deb topgan. Mahkumlarning har biri 18,7 ming dollar miqdorida jarima to‘lashi ham kerak.

Sud 20 yoshli talaba Xanin Xossam qizlarni erkaklar bilan videoilova orqali tanishishga undagani va ulardan buning evaziga pul olgani uchun aybdor deb topgan.

Mavadu Al-Adham esa TikTok va Instagram’da uyatli video va suratlarni e’lon qilgani uchun sudlangan.

Ismi oshkor etilmagan yana uch nafar qiz Xossam va Al-Adhamga akkauntlarini yuritishda yordam bergani uchun aybdor deb topilgan.

Himoya tomoni hukm ustidan shikoyat qilish niyatida.

Misrda bir necha yil oldin internet ustidan qattiq nazorat joriy etilgan, shu qatorda, besh mingdan oshiq obunachiga ega shaxsiy akkauntlarni kuzatish imkonini beradigan qonunlar qabul qilingan.