Futbol bo‘yicha Turkiya Superligasining 2019/20-yilgi mavsumi deyarli yakunlandi.
26-iyul kuni “Qosimposho” — “Istanbul Bashakshehir” uchrashuvi bo‘lib o‘tadi, biroq mazkur o‘yin natijasi musobaqa jadvaliga o‘zgarish kiritmaydi.
Avvalroq “Istanbul Bashakshehir” muddatidan avval mamlakat chempionligini qo‘lga kiritgan va Chempionlar Ligasi guruh bosqichi yo‘llanmasiga ega chiqqandi. Ikkinchi o‘rinni “Trabzonspor” egalladi va Chempionlar Ligasi saralash bosqichiga yo‘llanma oldi.
3-o‘rin masalasi so‘nggi turda hal bo‘ldi. “Beshiktosh” o‘z o‘yinini g‘alaba bilan yakunladi va mazkur turda yutqazib qo‘ygan “Sivaspor”dan ikki ochko o‘zib ketdi. Bu ikki jamoa Yevropa Ligasi saralash bosqichida qatnashadi.
Ligani “Kayserispor”, “Yeni Malatyaspor” va “Ankaraguju” klublari tark etdi.
Turk futbolining bayroqdor klublari “Galatasaroy” va “Fenerbahche” mos ravishda 6 hamda 7-o‘rinlardan joy oldi. Shu tariqa Istanbulning ikki nomdor jamoasi kelasi mavsum Yevrokuboklarda qatnashmaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)