Futbol bo‘yicha Italiya A Seriyasining 35-turidan o‘rin olgan 22-iyul, chorshanba kungi bahslar o‘z yakuniga yetdi.
“Napoli” jamoasi “Parma” mehmoni bo‘ldi va kutilmagan mag‘lubiyatni qabul qilib oldi. Maydon egalari har ikki bo‘lim so‘nggida penaltidan urilgan gollar evaziga g‘alabani ilib ketdi.
“Roma” esa SPAL maydoniga safar qilib yirik hisobda zafar quchdi. Rimliklar safida Brunu Peres dubl qayd etgan bo‘lsa, Nikola Kalinich, Karles Peres, Aleksandar Kolarov va Nikolo Zaniolo bir martadan raqib darvozasini ishg‘ol qildi.
“Inter” jamoasi o‘z uyida “Fiorentina”ni qabul qildi. Mazkur o‘yinda darvozalar daxlsiz qoldi va jamoalar durangga imzo chekdi.
Qimmatli ochkolarni boy bergan “Inter” 73 ochko bilan 3-o‘rinda qolib ketdi.
A Seriya
35-tur bahslari
22-iyul, chorshanba
“Parma” — “Napoli” 2:1
Gollar: 1:0 – 45, penalti Kaprari, 1:1 – 54, penalti Insinye, 2:1 – 87, penalti Kulusevski.SPAL — “Roma” 1:6
Gollar: 0:1 – 10 Kalinich, 1:1 – 24 Cherri, 1:2 – 38 Karles Peres, 1:3 – 47 Kolarov, 1:4 – 52 Bruno Peres, 1:5 – 75 Bruno Peres, 1:6 – 90 Zaniolo.“Inter” — “Fiorentina” 0:0
“Inter”: Handanovich, de Vrey (Ranokkiya, 23), Godin, D`Ambrozio (Bastoni, 70), Yang, Kandreva (Mozes, 69), Galyardini (Brozovich, 76), Eriksen, Barella, Sanches (Martines, 69), Lukaku.“Fiorentina”: Terrachchano, Dalbert (Lirola, 51), Milenkovich, Kaseres, Venuti, Dankan (Gezzal, 58), Kastrovilli, Riberi (Kyeza, 75), Badel (Pulgar, 75), Petsselya, Kutrone (Kuame, 58).
Ogohlantirishlar: Riberi (43), Kastrovilli (57), Barella (76), Kaseres (79).
“Torino” — “Verona” 1:1
Gollar: 0:1 – 56, penalti Borini, 1:1 – 67 Dzadza.“Sampdoriya” — “Jenoa” 1:2
Gollar: 0:1 – 22, penalti Krishito, 1:1 – 32 Gabbyadini, 1:2 – 72 Lerager.“Lechche” — “Breshiya” 3:1
Gollar: 1:0 – 22 Lapadula, 2:0 – 32 Lapadula, 2:1 – 63 Dessena, 3:1 – 70 Saponara.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)