Futbol bo‘yicha Rossiya Premyer Ligasining so‘nggi tur uchrashuvlari 22-iyul, chorshanba kuni bo‘lib o‘tdi.
“Rostov” jamoasi chempionlik masalasini hal qilib qo‘ygan “Zenit”ni qabul qildi. Dastlab mezbonlar Baxtiyor Zaynutdinovning golidan keyin oldinga o‘tib oldi. Biroq ikkinchi bo‘limda asosiy tarkib futbolchilarini maydonga tashlagan piterliklar vaziyatni o‘z tomoniga og‘dirishga erishdi.
72-daqiqada Emiliano Rigoni hisobni tenglashtirgan bo‘lsa, uch daqiqa o‘tib Sardor Azmun “Zenit”ning ikkinchi goliga muallif bo‘ldi.
Parallel o‘yinda SSKA Georgiy Shennikov va Ivan Oblyakovning gollari evaziga “Tambov”ni mag‘lub etdi.
Shu tariqa “armiyachilar” 50 ochko bilan 4-o‘rinni egallagan bo‘lsa, “Rostov” (45) 5-pog‘onada qoldi.
O‘z maydonida “Axmat” darvozasiga javobsiz to‘rtta to‘p kiritgan “Krasnodar” 52 ochko bilan 3-o‘rinni qo‘lga kiritdi va Chempionlar Ligasi yo‘llanmasiga ega bo‘ldi.
Oston O‘runov jamoasi “Ufa” o‘zida “Arsenal” bilan nursiz durang qayd etgan bo‘lsa, musobaqani tark etishga ulgurgan “Orenburg” safarda “Dinamo”dan ustun keldi.
“Zenit” chempionlikni qo‘lga kiritgan bo‘lsa, “Lokomotiv” musobaqaning kumush medallariga ega chiqdi. “Orenburg” va “Krilya Sovetov” musobaqani tark etdi.
Musobaqaning yakuniy jadvali quyidagi ko‘rinishni oldi:
RPL
30-tur bahslari
22-iyul, chorshanba
“Rostov” — “Zenit” 1:2
Gollar: 1:0 – 18 Zaynutdinov, 1:1 – 72 Rigoni, 1:2 – 75 Azmun.“Rostov”: Pesyakov, Kozlov, Hajikadunich, Chernov (Vedernikov, 87), Logashov (Proshlyakov, 87), Normann, Zaynutdinov (Yeremenko, 64), Glebov, Bayramyan (Dolgov, 61), Saplinov, Shomurodov.
“Zenit”: Vasyutin, Proxin, Mammana (Osorio, 46), Smolnikov (Kuzyayev, 68), Sutormin (Dzyuba, 46), Yeroxin, Shatov, Rigoni, Musayev, Shamkin (Azmun, 46), Driussi (Karavayev, 89).
Ogohlantirishlar: Normann (42), Hajikadunich (66), Shatov (82), Saplinov (90).
“Krasnodar” — “Axmat” 4:0
Gollar: 1:0 – 43 Berg, 2:0 – 54 Kabella, 3:0 – 58 Vanderson, 4:0 – 62 Berg.SSKA — “Tambov” 2:0
Gollar: 1:0 – 26 Shennikov, 2:0 – 78 Oblyakov.“Rubin” — “Spartak” 1:2
Gollar: 0:1 – 40, penalti Bakayev, 1:1 – 44, penalti Ignatyev, 1:2 – 71, penalti Larsson.“Ural” — “Lokomotiv” 0:1
Gol: 0:1 – 45 Miranchuk.“Dinamo” — “Orenburg” 0:1
Gol: 0:1 – 29 Fameye.“Ufa” — “Arsenal Tula” 0:0
“Krilya Sovetov” — “Sochi” 3:0 (mehmonlarga texnik mag‘lubiyat yozildi — izoh “Daryo”)Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!