“Oltin to‘p”—2020 bekor qilindi. Sovrin ta’sis etilgandan buyon ilk bor topshirilmaydigan bo‘ldi

France Football nashri 2020-yilda “Oltin to‘p” sovrini topshirilmasligini ma’lum qildi.

Jurnal bu qarorni koronavirus pandemiyasi sabab yuzaga kelgan noqulay vaziyat bilan izohladi.

“Biz ushbu sovrin bayonida ‘sovrin koronavirus tufayli yuzaga kelgan inqiroz vaqtida berilgan’ degan yulduzchaga olingan izohlar bo‘lishini xohlamadik.

Adolat ushbu sovrin topshirilishida shunday muhim jihatki, o‘yinchilarning statistikasidan kelib chiqib uni ta’minlab bo‘lmaydi. Futbolchilarni bir xil baholab bo‘lmaydi, ayrimlar uchun mavsum birdaniga to‘xtab qoldi”, — deyiladi France Football bayonotida.

Shu tariqa mazkur sovrin asos solingan 1956-yildan beri ilk bor topshirilmaydigan bo‘ldi.