France Football нашри 2020 йилда «Олтин тўп» соврини топширилмаслигини маълум қилди.
Журнал бу қарорни коронавирус пандемияси сабаб юзага келган ноқулай вазият билан изоҳлади.
«Биз ушбу соврин баёнида ‘соврин коронавирус туфайли юзага келган инқироз вақтида берилган’ деган юлдузчага олинган изоҳлар бўлишини хоҳламадик.
Адолат ушбу соврин топширилишида шундай муҳим жиҳатки, ўйинчиларнинг статистикасидан келиб чиқиб уни таъминлаб бўлмайди. Футболчиларни бир хил баҳолаб бўлмайди, айримлар учун мавсум бирданига тўхтаб қолди», — дейилади France Football баёнотида.
Шу тариқа мазкур соврин асос солинган 1956 йилдан бери илк бор топширилмайдиган бўлди.
Мавзуга доир: «Олтин тўп»га даъвогар футболчиларнинг рейтинги янгиланди. Лионель Месси кучли учликда йўқ
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)