Nyu-York tibbiyot xizmatlari 11-iyul kuni to‘rt oydan buyon birinchi bor koronavirusdan vafot etish bo‘yicha birorta ham holatni qayd etmadi. Bu haqda shahar Sog‘liqni saqlash departamentiga tayanib Fox News telekanali xabar berdi.
10-iyul kuni Nyu-Yorkda koronavirus infeksiyasiga gumonlangan, biroq tasdiqlanmagan ikkita o‘lim holati qayd etilgan. 13-martdan beri megapolisda biror-bir kun COVID-19 qurbonlarisiz o‘tmayotgan edi.
Hozirga qadar Nyu-Yorkda koronavirus infeksiyasi oqibatida 18 669 bemor vafot etgan va 4613 ta o‘lim holati qayta tekshiruvlarni talab qiladi.
Jons Hopkins universiteti ma’lumotlariga ko‘ra, AQShda koronavirus bilan kasallanganlar soni 3,3 milliondan oshgan, hozirga qadar 135 ming kishi vafot etgan bo‘lsa, 1 milliondan ortiq bemor sog‘aygan.
Avvalroq AQShning koronavirusga qarshi kurash bo‘yicha ishchi guruhi eksperti, mamlakat bosh infeksionisti Entoni Fauchi dunyo hali ham koronavirus pandemiyasining dastlabki bosqichida turganini ma’lum qilgandi.
Izoh (0)