Futbol bo‘yicha Angliya Premyer Ligasining 35-turida “Norvich” 11-iyul, shanba kuni “Vest Hem”ga yutqazib qo‘ydi (0:4).
Uchrashuvda Maykl Antonio poker qayd etgan holda, londonliklarning g‘alabasini ta’minladi.
Mazkur mag‘lubiyatdan so‘ng “Norvich” APLda jon saqlab qolish imkoniyatini yo‘qqa chiqardi va Chempionshipga yo‘l oldi.
Shu tariqa “Norvich” beshinchi marta Premyer Ligadan (liga ushbu formatda 1992/93-yilgi mavsumdan buyon o‘tkaziladi) tushib ketdi. Bu musobaqa antirekordi hisoblanadi.
Shuningdek, “Norvich” APL bir mavsumi davomida 24 marta mag‘lubiyatga uchradi va bu klub tarixidagi eng yomon natija hisoblanadi.
APL
35-tur bahsi
11-iyul, shanba
“Norvich” — “Vest Hem” 0:4
Gollar: 0:1 – 11 Antonio, 0:2 – 45 Antonio, 0:3 – 54 Antonio, 0:4 – 74 Antonio.“Norvich”: Krul, Kloze, Aarons, Godfri, Lyuis, Shtipermann (Kentuell, 69), Buendia (Rupp, 70), Ernandes (Martin, 70), Tetti, Vranchich (Maklin, 78), Pukki (Ida, 69).
“Vest Hem”: Fabianski, Kressuell, Ogbonna (Balbuena, 87), Frederiks, Diop, Antonio (Aller, 78), Rays, Fornals (Masuaku, 83), Nobl (Uilsher, 77), Bouen (Yarmolenko, 83), Souchek.
Ogohlantirish: Shtipermann (33).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)