Nissan kompaniyasining sobiq rahbari Karlos Gon Yaponiyadan Livanga qochib ketishi uchun 862 ming dollar to‘lagani ma’lum bo‘ldi, deb xabar beradi Reuters.
Ayblov tomonining qayd etishicha, ushbu mablag‘ 2019-yilning sentabrida — qochish amalga oshirilishidan 3 oy oldin o‘tkazilgan.
Karlos Gon 2018-yilning noyabrida Yaponiyada hibsga olingan edi. U 80 million dollarni yashirganlikda, shuningek, Nissan’ga 16 million dollar zarar keltirganlikda ayblangan. Nissan uni direktorlar kengashi raisligidan ozod qilgan.
2019-yilning martida Gon garov evaziga qo‘yib yuborilgan, biroq xorijga chiqib ketmasligi uchun pasporti olib qo‘yilgan. Gonning o‘zi barcha ayblovlarni rad etgan. Karlos Gon Fransiya, Braziliya va Livan fuqarosi hisoblanadi. Gon 2019-yilning dekabr oxirlarida Turkiyadagi MNG Jet aviakompaniyasi orqali mamlakatdan qochib ketgan edi. Keyinroq Karlos Gonga yordam bergan Turkiya aviakompaniyasi xodimi oilasiga zarar yetkazish bilan tahdid qilinganini ma’lum qilgan.
Izoh (0)