Sony kompaniyasi o‘z egasining kiyimiga qotiriladigan va uni issiqdan himoya qilishga mo‘ljallangan ixcham konditsionerini taqdim etdi, deb xabar beradi Hi-Tech.Mail.ru.
Sony Reon Pocket konditsioneri maxsus futbolka bilan ishlash jarayonida tana haroratini 10-12 daraja Selsiyga tushirib berishga qodir. Bu kunning issiq vaqtida sovush uchun yetarli hisoblanadi.
Qurilma isitish va sovutish funksiyasi uchun Peltye effektidan foydalanadi — ikkita o‘tkazgich orqali tok o‘ta boshlasa ularning har biridagi harorat o‘zgara boshlaydi. Undan nafaqat yozning issiq kunlarida, balki qishda isinish uchun ham foydalansa bo‘ladi.
Qurilmaning ishlash prinsipi oddiy — maxsus futbolkani kiyish, “portativ” konditsionerni orqa tomondagi hamyonga solish va smartfondagi ilova orqali haroratni boshqarish mumkin. Qurilma avtomatik ravishda optimal haroratni tanlaydi va kiyim ostida tanani sovutadi.
Ixcham o‘lchamga egaligi sabab konditsionerdan kun davomida foydalanishning imkoniyati yo‘q. Sony yangi qurilma 2-4 soat ishlay olishini va’da qilmoqda.
Sony Reon Pocket hozirda Yaponiyada 120 dollar evaziga sotuvga chiqqan. Konditsionerga qo‘shimcha ravishda turli rang va o‘lchamdagi maxsus futbolka 20 dollardan sotilmoqda.
Izoh (0)