Boks bo‘yicha sobiq Jahon chempioni, Rossiya dumasi deputati Nikolay Valuyev UFC chempioni Habib Nurmagomedovning otasi Abdulmanap Nurmagomedovning o‘limi yuzasidan hamdardlik bildirdi.
Avvalroq 58 yoshli murabbiyning vafot etgani xabar qilingandi. Nurmagomedovlarning kattasi koronavirus va yurak bilan bog‘liq muammolar sabab Moskvadagi shifoxonada yotgandi.
“Abdulmanap Nurmagomedovning oila a’zolari, yaqinlari va uni tanigan barchaga hamdardlik bildiraman. Taqdir ko‘pincha bizga shunday chorlovlar tashlaydi, bu vaziyatda sabrli bo‘lish muhim. O‘zim ham shunday holatga tushgandim.
Abdulmanap milliy sport uchun ko‘plab ishlar qildi, u tufayli butun dunyo rossiyalik jangchilarni hurmat qiladigan bo‘ldi. Umrbod qalbimizdasiz”, — deydi Valuyev.
Izoh (0)