Бокс бўйича собиқ Жаҳон чемпиони, Россия думаси депутати Николай Валуев UFC чемпиони Ҳабиб Нурмагомедовнинг отаси Абдулманап Нурмагомедовнинг ўлими юзасидан ҳамдардлик билдирди.
Аввалроқ 58 ёшли мураббийнинг вафот этгани хабар қилинганди. Нурмагомедовларнинг каттаси коронавирус ва юрак билан боғлиқ муаммолар сабаб Москвадаги шифохонада ётганди.
«Абдулманап Нурмагомедовнинг оила аъзолари, яқинлари ва уни таниган барчага ҳамдардлик билдираман. Тақдир кўпинча бизга шундай чорловлар ташлайди, бу вазиятда сабрли бўлиш муҳим. Ўзим ҳам шундай ҳолатга тушгандим.
Абдулманап миллий спорт учун кўплаб ишлар қилди, у туфайли бутун дунё россиялик жангчиларни ҳурмат қиладиган бўлди. Умрбод қалбимиздасиз», — дейди Валуев.
Изоҳ (0)