Bugun,

  • USD 11095.31
  • RUB 173.84
  • EUR 10772.44

Buxoro viloyati Qorako‘l tumanida ikki kishi qurbon bo‘lgan YTH sodir bo‘lgan yerga radar o‘rnatiladi. Bu haqda “Postda” nashri xabar berdi.

Foto: YHXBB

Foto: YHXBB

Buxoro viloyatining Qorako‘l tumanida 19-may kuni odam o‘limi bilan yakunlangan YTH sodir bo‘lgan edi.

Hodisa soat 13:30 larda 4R-76 Qorako‘l–Yangibozor–Jig‘achi avtomobil yo‘lining 7-kilometrida yuz bergan. 1989-yilda tug‘ilgan M.J. Nexia tezligini me’yoridan oshirgan holda boshqarayotib, oldinda ketayotgan avtomobilni quvib o‘tish maqsadida qarama-qarshi yo‘nalishga chiqqan. Shu vaqtda 1981-yilda tug‘ilgan N.T. boshqaruvidagi Lacetti’ning old qismiga urilib, YTH sodir etgan.

Bir yillik haydovchilik stajiga ega bo‘lgan M.J. ashaddiy qoidabuzar ekanligi aniqlangan. Ma’lumotlarga ko‘ra u bir yil davomida 12 marotaba yo‘l harakati qoidalarini buzgan.

So‘nggi qoidabuzarligi natijasida olgan tan jarohati sababli M.J. YTH sodir bo‘lgandan bir kun o‘tib shifoxonada vafot etgan. Bu YTH natijasida 19 yoshli Z.N. ismli qiz ham halok bo‘lgan edi.

“Viloyat IIB YHXB xodimlari tomonidan bu kabi hodisalarning qayta takrorlanmasligi uchun muhim choralar ko‘rildi. Xususan, tezlikni onlayn tartibda nazorat qilib boruvchi radar o‘rnatilib, endilikda mazkur hududda ham tezkor reydlar o‘tkazib turilishi belgilandi”, – deyiladi IIB xabarda.

Avvalroq Surxondaryoda “VAZ-2101” Malibu bilan to‘qnashib yonib ketishi natijasida “Jiguli” haydovchisi va yo‘lovchi vafot etgani, Sergelida 57 yoshli ayol, Shayxontohurda 10 yoshli bola YTH oqibatida halok bo‘lgani haqida xabar berilgan edi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?