Ichki ishlar vaziri matbuot kotibi Shohrux G‘iyosov Xalqaro press-klub sessiyasida tizimda xizmatdan bo‘shatilgan va lavozimdan ozod etilgan rahbar xodimlar bo‘yicha ma’lumot berdi.
Unga ko‘ra, 2020-yilning o‘tgan davri mobaynida bugungi kun talablariga javob bermaydigan 19 nafar rahbar xizmatdan bo‘shatilgan, 10 nafar vazirlik darajasidagi, 6 nafar viloyat darajasidagi, 65 nafar tuman (shahar) darajasidagi rahbarlar lavozimidan ozod etilgan.
Xodimlar tomonidan korrupsiya va mansab vakolatini suiiste’mol qilish holatlarini oldini olish maqsadida eskicha uslubda ish yuritayotgan 8 nafar rahbar xodim xizmatdan bo‘shatilgan, 46 nafari lavozimidan ozod etilgan. 7 nafar xodim past lavozimlarga tayinlangan, ko‘p yillardan buyon bir joyda xizmat qilgan 95 nafar rahbar rotatsiya qilingan, 19 nafar xodim intizomiy jazolangan, 3 nafari intizomiy kengashda ko‘rib chiqilgan va 2 nafari rasmiy ogohlantirilgan.
Mavzuga doir: O‘zbekistonda hokimlar va rahbarlar korrupsiyaga qarshi kurash bo‘yicha malaka oshiradi
Eslatib o‘tamiz, avvalroq IIV matbuot kotibi 2020-yilda 2350 nafar ichki ishlar xodimi xizmat intizomini buzgani aniqlanganini ma’lum qilgan edi.
Izoh (0)