Futbol bo‘yicha Ispaniya La Ligasining 32-turida “Barselona” 27-iyun, shanba kuni “Selta” maydoniga safar qildi.
Uchrashuvning 20-daqiqasida Luis Suares Lionel Messining uzatmasidan so‘ng to‘pni darvozaga to‘g‘irlab yuborib, hisobni ochdi. Ikkinchi bo‘lim debyutida vigoliklar mehmonlar himoyasidagi bo‘shliqdan unumli foydalandi: Fyodor Smolov bo‘sh qolgan darvozani ishg‘ol qilib, muvozanatni tikladi.
67-daqiqada Suares jarima maydoni ichida to‘pni o‘ziga to‘g‘irlab olgan holda darvozaning uzoq burchagini aniq nishonga oldi. O‘yin yakunlanishi arafasida Yago Aspas jarima zarbasini aniq ijro etgan holda chiroyli golga muallif bo‘ldi. Vigo klubi so‘nggi soniyalardan g‘alabani ilib ketishi mumkin edi, biroq Nolitoning yaqin masofadan yo‘llagan zarbasini Mark Andre ter Shtegen qaytarib qoldi.
Shu tariqa “Barselona” 69 ochko bilan vaqtincha birinchi o‘ringa ko‘tarildi va ushbu turdagi o‘yinini o‘tkazmagan “Real”dan bir ochko oldinda bormoqda.
La Liga
32-tur bahslari
27-iyun, shanba
“Selta” — “Barselona” 2:2
Gollar: 0:1 – 20 Suares, 1:1 – 50 Smolov, 1:2 – 67 Suares, 2:2 – 88 Aspas.“Selta”: Ruben Blanko, Arauxo (Murilyo, 73), Aydu, Saens, Vaskes, Denis Suares, Mendes (Bradarich, 60), Hakobo Gonsales (Santi Mina, 81), Yokushlu (Rafinya, 60), Smolov (Nolito, 60), Aspas.
“Barselona”: ter Shtegen, Alba (Firpo, 81), Pike, Umtiti, Semedu, Vidal, Puch (Artur, 86), Rakitich, Fati (Breytueyt, 69), Messi, Suares (Grizmann, 81).
Ogohlantirishlar: Alba (12), Mendes (34), Umtiti (53), Arauxo (61), Breytueyt (82), Aspas (89).
“Atletik” — “Malyorka” 3:1
Gollar: 1:0 – 16, penalti Raul Garsiya, 2:0 – 24 Sanset, 2:1 – 70, penalti Budimir, 3:1 – 90 Vilyalibre.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)