“Yuventus” hujumchisi Krishtianu Ronaldu A Seriya doirasida o‘tkazilgan “Lechche”ga qarshi o‘yinda (4:0) penaltini aniq amalga oshirib, o‘z nomiga gol yozdirib qo‘ydi.
Shu tariqa “Lechche” portugaliyalik futbolchi uchun Italiya chempionatida darvozasiga to‘p kiritgan 20-jamoa bo‘ldi. Qayd etish joiz, A Seriyada faqat “Kyevo” Ronaldudan gol o‘tkazib yubormagan. Ushbu jamoa o‘tgan mavsum natijalariga ko‘ra B Seriyaga tushib ketgan.
Ronaldu 2018-yildan beri “Yuventus” sharafini himoya qilib keladi. Ushbu mavsumda u Italiya chempionatining 24 o‘yinida maydonga tushib, 23 ta gol va 4 ta golli uzatmaga mualliflik qildi.
Izoh (0)