«Ювентус» ҳужумчиси Криштиану Роналду А Серия доирасида ўтказилган «Лечче»га қарши ўйинда (4:0) пенальтини аниқ амалга ошириб, ўз номига гол ёздириб қўйди.
Шу тариқа «Лечче» португалиялик футболчи учун Италия чемпионатида дарвозасига тўп киритган 20-жамоа бўлди. Қайд этиш жоиз, А Серияда фақат «Кьево» Роналдудан гол ўтказиб юбормаган. Ушбу жамоа ўтган мавсум натижаларига кўра Б Серияга тушиб кетган.
Роналду 2018 йилдан бери «Ювентус» шарафини ҳимоя қилиб келади. Ушбу мавсумда у Италия чемпионатининг 24 ўйинида майдонга тушиб, 23 та гол ва 4 та голли узатмага муаллифлик қилди.
Изоҳ (0)