Qarshi shahrida yangi qurilayotgan binoda yuk ko‘taruvchi konstruksiyalarning qulashi oqibatida bir kishi halok bo‘ldi. FVV matbuot xizmati sodir bo‘lgan ko‘ngilsiz hodisa to‘g‘risidagi birlamchi ma’lumotlar bilan bo‘lishdi.
Ma’lumotlarga ko‘ra, 23-iyun kuni soat 21:30 da Qarshi shahri Islom Karimov ko‘chasi Nasaf Travel mehmonxonasi binosining chap tomonidan qo‘shimcha qurilayotgan 5 qavatli binoning yuk ko‘taruvchi temir-beton konstruksiyalari qulab tushgan. Buning oqibatida bir nafar ishchi-xodim voqea joyida vafot etgan.
Hodisa joyiga Favqulodda vaziyatlar, Ichki ishlar, Mudofaa, Sog‘liqni saqlash vazirliklari, Davlat xavfsizlik xizmati, Milliy gvardiya va prokuratura organlarining hududiy boshqarmalari, shuningdek, Favqulodda vaziyatlarda ularning oldini olish va harakat qilish davlat quyi tizimining kuch va vositalari yetib borgan.
Ayni vaqtda holatning kelib chiqish sabablari o‘rganilmoqda.
Izoh (0)