Futbol bo‘yicha Ispaniya La Ligasining 29-turida “Barselona” 19-iyun, juma kuni “Sevilya” mehmoni bo‘ldi.
Uchrashuv mobaynida har ikki jamoada golga tortadigan bir qator imkoniyatlar yuzaga keldi. Biroq o‘yin yakuniga qadar darvozalar dahlsiz qoldi.
Shu tariqa Xulen Lopetegi shogirdlarining ligadagi mag‘lubiyatsiz seriyasi 7 ta o‘yinga yetdi. “Barselona”ning uch o‘yinlik g‘alabali seriyasiga chek qo‘yildi.
Muhim ochkolarni qo‘ldan chiqargan katalon klubi 65 ochko bilan peshqadam bo‘lib turibdi va ikkinchi o‘rindagi “Real”dan 3 ochko oldinda bormoqda. Madridliklar ushbu turda “Real Sosyedad” mehmoni bo‘ladi. “Sevilya” (52) esa uchinchi o‘rinda bormoqda.
La Liga
29-tur bahslari
19-iyun, juma
“Sevilya” — “Barselona” 0:0
“Sevilya”: Vatslik, Kunde, Regilon, Diyego Karlos, Navas, Jordan (Gudel, 69), Fernando, Oliver Torres (Banega, 46), Okampos (Vaskes, 84), de Yong (En-Nesiri, 69), Munir (Suso, 59).“Barselona”: ter Shtegen, Pike, Langle, Alba, Semedu, Vidal (Grizmann, 77), Buskets, Rakitich (Puch, 88), Suares, Breytueyt (Artur, 63), Messi.
Ogohlantirishlar: Regilon (26), Pike (39), Buskets (45), Fernando (45), Banega (62).
“Malyorka” — “Leganes” 1:1
Gollar: 1:0 – 9 Sevilya, 1:1 – 87 Oskar Rodriges.“Granada” — “Vilyarreal” 0:1
Gol: 0:1 – 11 Xerar Moreno.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)