Futbol bo‘yicha Angliya chempionatining 30-turida “Tottenhem” va “Manchester Yunayted” jamoalari 19-iyun, juma kuni o‘zaro bahs yuritdi.
Teng kurashlar ostida o‘tgan uchrashuvning 27-daqiqasida Steven Bergveyn londonliklarni oldinga olib chiqdi. O‘yin yakunlanishi arafasida “shporlar” o‘z jarima maydoni ichida Pol Pogbani qo‘pollik bilan to‘xtatib qoldi. Belgilangan penaltini Brunu Fernandesh muvaffaqiyatli amalga oshirdi.
Mazkur o‘yindan so‘ng “Yunayted” 46 ochko bilan 5-o‘rinda qolgan bo‘lsa, “Tottenhem” (42) 8-pog‘onadan siljimadi.
APL
30-tur bahslari
19-iyun, juma
“Tottenhem” — “Manchester Yunayted” 1:1
Gollar: 1:0 – 27 Bergveyn, 1:1 – 81, penalti Brunu Fernandesh.“Tottenhem”: Lyoris, Orye, Devis, Sanches, Dayer, Sissoko, Lamela (Jedson Fernandesh, 70), Bergveyn (Lo Chelso, 70), Uinks, Son Hyon Min, Keyn.
“Manchester Yunayted”: De Xea, Shou, Maguayr, Lindelyof (Matich, 78), Uan-Bissaka, Maktominay (Bayi, 89), Fred (Pogba, 63), Brunu Fernandesh, Jeyms (Grinvud, 62), Marsyal (Igalo, 78), Reshford.
Ogohlantirish: Jeyms (41).
“Norvich” — “Sauthempton” 0:3
Gollar: 0:1 – 49 Ingz, 0:2 – 54 Armstrong, 0:3 – 79 Redmond.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)