O‘tgan haftada Turkmanistonda amaldorlarga uch kun ichida xorijga chiqish pasportlarining Migratsiya xizmatiga majburiy tartibda vaqtincha saqlash uchun topshirish haqida farmoyish chiqarildi. Bu haqda “Xronika Turkmenistana” nashri xabar qilgan.
Farmoyish bevosita vazirliklar va davlat kompaniyalari rahbarlari, viloyat va tumanlar hokimlariga taalluqli. Xizmat burchiga ko‘ra xorijga chiqishi lozim bo‘lganlarning istisno tariqasida pasportlarini o‘zida olib qolishiga ruxsat berilgan. Tasdiqlanmagan ma’lumotlarga ko‘ra ushbu talab ularning turmush o‘rtoqlariga ham tegishli.
Mavzuga doir: Video: 25 daqiqalik turkman axborotida necha marta “Arkadag‘”, “Ho‘rmetli Perzedentimiz” deyildi?
“Gundogar” nashri xalqaro yo‘nalishdagi parvozlarning 1-sentabrdan avval ochilmasligini xabar qilgan. Turkmanistonda bu boradagi keyingi qaror mamlakatdan epidemiologik vaziyatdan kelib chiqqan holda qabul qilinadi.
“Turkmanistondagi milliy aviatashuvchilarga yetgan zarar miqdori iyun o‘rtalari holatiga ko‘ra 30 million AQSh dollaridan ziyodni tashkil qiladi, ushbu xarajatlarga Ashxobod xalqaro aeroporti uchun ajratilgan mablag‘lar ham kiritilgan”, – deya yozgan nashr.
Mavzuga doir: Turkmanistonda o‘tkir pnevmoniya kasalligi tarqalmoqda
Izoh (0)