Ўтган ҳафтада Туркманистонда амалдорларга уч кун ичида хорижга чиқиш паспортларининг Миграция хизматига мажбурий тартибда вақтинча сақлаш учун топшириш ҳақида фармойиш чиқарилди. Бу ҳақда «Хроника Туркменистана» нашри хабар қилган.
Фармойиш бевосита вазирликлар ва давлат компаниялари раҳбарлари, вилоят ва туманлар ҳокимларига тааллуқли. Хизмат бурчига кўра хорижга чиқиши лозим бўлганларнинг истисно тариқасида паспортларини ўзида олиб қолишига рухсат берилган. Тасдиқланмаган маълумотларга кўра ушбу талаб уларнинг турмуш ўртоқларига ҳам тегишли.
Мавзуга доир: Видео: 25 дақиқалик туркман ахборотида неча марта «Аркадағ», «Ҳўрметли Перзедентимиз» дейилди?
«Гундогар» нашри халқаро йўналишдаги парвозларнинг 1 сентябрдан аввал очилмаслигини хабар қилган. Туркманистонда бу борадаги кейинги қарор мамлакатдан эпидемиологик вазиятдан келиб чиққан ҳолда қабул қилинади.
«Туркманистондаги миллий авиаташувчиларга етган зарар миқдори июнь ўрталари ҳолатига кўра 30 миллион АҚШ долларидан зиёдни ташкил қилади, ушбу харажатларга Ашхобод халқаро аэропорти учун ажратилган маблағлар ҳам киритилган», – дея ёзган нашр.
Мавзуга доир: Туркманистонда ўткир пневмония касаллиги тарқалмоқда
Изоҳ (0)