Elyor Tolliyev Samarqand shahar davlat soliq inspeksiyasi boshlig‘i etib tayinlandi. Bu haqda Davlat soliq qo‘mitasi matbuot xizmati xabar berdi.
Elyor Tolliyev 1983-yilda Samarqand viloyati Oqdaryo tumanida tug‘ilgan. U soliq tizimidagi mehnat faoliyatini Oqdaryo tumani davlat soliq inspeksiyasi jismoniy shaxslarni soliqqa tortish va deklaratsiyalashtirish sho‘basi davlat soliq inspektori lavozimidan boshlagan.
2004-yilda Samarqand qishloq xo‘jaligi institutini, 2020-yilda O‘zbekiston Prezidenti huzuridagi Davlat boshqaruv akademiyasini tamomlagan.
Ma’lum qilinishicha, Elyor Tolliyev yangi lavozimga tayinlangunga qadar Oqdaryo tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari vazifasida faoliyat yuritgan.
Bunga qadar Samarqand shahar davlat soliq inspeksiyasini Sobirjon Rustamov boshqarib kelayotgandi. U 2019-yilning sentabrida ushbu lavozimga tayilangan edi.
Izoh (0)