Sahovatli insonlar doimo yaxshiliklar qilishga intilib yashaydi. Ayniqsa, qilayotgan bu xayrli amallar kimningdir sog‘lig‘ini saqlashga, hayotini uzaytirishga ko‘mak bersa-chi? O‘ylaymizki, inson uchun bundan ortiq baxt topilmasa kerak. Donorlarni ana shunday beg‘araz yordam ko‘rsatuvchi ezgu niyatli insonlar deyish mumkin.
Joriy yilning 8-iyundan boshlab Respublika qon quyish markazi hamda respublikamizning markaziy tibbiyot birlashmalarida “Ezgulik, albatta, qaytadi” xayriya qon topshirish aksiyasiga start berildi.
Aksiya doirasida topshirilgan qon preparatlari hamda dori vositalari Onkologiya va gematologiya markazlarida davolanayotgan bemor bolalar uchun ajratilishi rejalashtirilgan.
Umuman olganda, donorlik har qanday inson qilishi mumkin bo‘lgan oddiy, lekin chinakam qahramonlikdir. Bolajonlarning sog‘lig‘i uchun o‘z hissasini qo‘shishni istaganlar hududlaridagi markaziy tibbiyot birlashmalariga borib qon topshirishlari mumkin.
Biz barcha yurtdoshlarimizni xayriya aksiyasida faol ishtirok etishga chorlab qolamiz. Zero ezgulik, albatta, bir kuni qaytadi...
Qo‘shimcha ma’lumotlar uchun tel:
(99) 858-43-42
Izoh (0)