Элёр Толлиев Самарқанд шаҳар давлат солиқ инспекцияси бошлиғи этиб тайинланди. Бу ҳақда Давлат солиқ қўмитаси матбуот хизмати хабар берди.
Элёр Толлиев 1983 йилда Самарқанд вилояти Оқдарё туманида туғилган. У солиқ тизимидаги меҳнат фаолиятини Оқдарё тумани давлат солиқ инспекцияси жисмоний шахсларни солиққа тортиш ва декларациялаштириш шўъбаси давлат солиқ инспектори лавозимидан бошлаган.
2004 йилда Самарқанд қишлоқ хўжалиги институтини, 2020 йилда Ўзбекистон Президенти ҳузуридаги Давлат бошқарув академиясини тамомлаган.
Маълум қилинишича, Элёр Толлиев янги лавозимга тайинлангунга қадар Оқдарё туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари вазифасида фаолият юритган.
Бунга қадар Самарқанд шаҳар давлат солиқ инспекциясини Собиржон Рустамов бошқариб келаётганди. У 2019 йилнинг сентябрида ушбу лавозимга тайиланган эди.
Изоҳ (0)