Futbol bo‘yicha O‘zbekiston Superligasi 4-turidan o‘rin olgan bahsda Toshkentning “Bunyodkor” klubi o‘z maydonida “Qo‘qon-1912” jamoasini qabul qildi.
Foto: PFL
Teng kurashlar ostida o‘tgan bahsning 86-daqiqasida qo‘qonliklar futbolchisi Bobur Akbarov o‘z darvozasini ishg‘ol etib qo‘ydi. Shundan so‘ng jamoalar har qancha urinmasin hisob o‘zgarmadi.
Shu tariqa ushbu g‘alabadan keyin Vadim Abramov shogirdlari o‘z ochkolarini 9 taga yetkazib olgan holda yetakchilar — “Paxtakor” va “Nasaf”ga yetib oldi. “Qo‘qon-1912” esa (6 ochko) mavsumdagi ikkinchi mag‘lubiyatini qabul qilib oldi.
Superliga
4-tur bahsi
13-iyun, shanba
“Bunyodkor” — “Qo‘qon-1912” 1:0
Gol: 1:0 – 86 Bobur Akbarov (avtogol).
“Bunyodkor”: Abdumavlon Abduljalilov, Islom Qobilov, Anvar G‘ofurov, Dilshod Ahmadaliyev, Jasur Jaloliddinov (Abdulla Abdullayev, 90), Rasul Yo‘ldoshev, Lutfulla To‘rayev, Sanjar Qodirqulov, Nurillo To‘xtasinov, Selim Nurmuradov (Farruh Ikramov, 59), Humoyun Murtazoyev (Shahboz Erkinov, 59).
“Qo‘qon-1912”: Muzaffar Abdullayev, Bobur Akbarov, Suhrob Berdiyev, Quvondiq Ro‘ziyev, Avazxon Mamatxo‘jayev (Hamidulla Abduhamidov 90), Oybek Rustamov, Aleksandr Merzlyakov, Ivan Yosovich, Filipp Rayevats (Yakuba Bamba, 64), Murod Xolmuhammedov, Shohnazar Norbekov (Otabek Haydarov, 90).
Ogahlantirishlar: Avazxon Mamatxo‘jayev (36), Ivan Yosovich (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
