Футбол бўйича Ўзбекистон Суперлигаси 4-туридан ўрин олган баҳсда Тошкентнинг «Бунёдкор» клуби ўз майдонида «Қўқон-1912» жамоасини қабул қилди.
Тенг курашлар остида ўтган баҳснинг 86-дақиқасида қўқонликлар футболчиси Бобур Акбаров ўз дарвозасини ишғол этиб қўйди. Шундан сўнг жамоалар ҳар қанча уринмасин ҳисоб ўзгармади.
Шу тариқа ушбу ғалабадан кейин Вадим Абрамов шогирдлари ўз очколарини 9 тага етказиб олган ҳолда етакчилар — «Пахтакор» ва «Насаф»га етиб олди. «Қўқон-1912» эса (6 очко) мавсумдаги иккинчи мағлубиятини қабул қилиб олди.
Суперлига
4-тур баҳси
13 июнь, шанба
«Бунёдкор» — «Қўқон-1912» 1:0
Гол: 1:0 – 86 Бобур Акбаров (автогол).«Бунёдкор»: Абдумавлон Абдулжалилов, Ислом Қобилов, Анвар Ғофуров, Дилшод Аҳмадалиев, Жасур Жалолиддинов (Абдулла Абдуллаев, 90), Расул Йўлдошев, Лутфулла Тўраев, Санжар Қодирқулов, Нурилло Тўхтасинов, Селим Нурмурадов (Фарруҳ Икрамов, 59), Humoюн Муртазоев (Шаҳбоз Эркинов, 59).
«Қўқон-1912»: Музаффар Абдуллаев, Бобур Акбаров, Суҳроб Бердиев, Қувондиқ Рўзиев, Авазхон Маматхўжаев (Ҳамидулла Абдуҳамидов 90), Ойбек Рустамов, Александр Мерзляков, Иван Ёсович, Филипп Раевац (Якуба Бамба, 64), Мурод Холмуҳаммедов, Шоҳназар Норбеков (Отабек Ҳайдаров, 90).
Огаҳлантиришлар: Авазхон Маматхўжаев (36), Иван Ёсович (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)