Berklidagi Kaliforniya universiteti tadqiqotchilari koronavirus tarqalishiga qarshi kurash samarasiga bag‘ishlangan tadqiqot natijalari bilan bo‘lishdi, deb xabar beradi Nature.
Tadqiqot mualliflarining xulosasiga ko‘ra, AQShda jiddiy karantin choralari ko‘rilmaganida kasallar soni hozirgidek 1,9 million emas, balki 60 millionga yetishi mumkin edi. 3-martdan 6-martga qadar kasallar soni kuniga ikki barobar oshgan bo‘lardi.
Ko‘chaga chiqishning taqiqlanishiga oid karantin choralari, ayniqsa, COVID-19 tarqalgan Xitoyda samara bergan. Bu 285 million odamning kasallik yuqtirib olishiga yo‘l qo‘ymagan. Koronavirus jadallik bilan tarqala boshlagach, Uxan — infeksiya o‘chog‘i deyarli qamal holatiga o‘tib olgan.
Olimlarning ta’kidlashicha, Xitoy hukumati AQSh yoki Italiyadan oldin koronavirus taqalishiga qarshi choralarni ko‘rgani sabab kasallikning ommaviy tarqalishining oldi olindi. Agarda Qo‘shma Shtatlar 1-2 hafta oldinroq karantin e’lon qilganida kamida 645 ming odam kasallikka chalinmagan va yana 36 ming odam omon qolgan bo‘lardi.
Italiyada aniqlanishicha, COVID-19’ga qarshi kurash choralari o‘z vaqtida ko‘rilganida mamlakatda hozirda kasallikka chalinganlarning 200 mingi sog‘lom qolardi. Butun Yevropada esa ushbu ko‘rsatkich 3,1 millionga yetishi mumkin edi.
Tadqiqot xulosalariga ko‘ra, ko‘plab davlatlar asosiy maqsadga erishishga muvaffaq bo‘lgan — COVID-19 reproduksiyasi (urchishi) birlikdan kamaygan. Bu kasallikni tashuvchi bir kishiga yoki maksimum bir necha kishiga yuqtirishi mumkinligini bildiradi.
Izoh (0)