Берклидаги Калифорния университети тадқиқотчилари коронавирус тарқалишига қарши кураш самарасига бағишланган тадқиқот натижалари билан бўлишди, деб хабар беради Nature.
Олимлар изланишлари давомида ўқув муассасалари ва диний марказларга тааллуқли чекловлар, саёҳатларга оид тақиқлар, оммавий тадбирларнинг бекор қилиниши ва фуқароларнинг уйда ўтиришини инобатга олган.
Тадқиқот муаллифларининг хулосасига кўра, АҚШда жиддий карантин чоралари кўрилмаганида касаллар сони ҳозиргидек 1,9 миллион эмас, балки 60 миллионга етиши мумкин эди. 3 мартдан 6 мартга қадар касаллар сони кунига икки баробар ошган бўларди.
Кўчага чиқишнинг тақиқланишига оид карантин чоралари, айниқса, COVID-19 тарқалган Хитойда самара берган. Бу 285 миллион одамнинг касаллик юқтириб олишига йўл қўймаган. Коронавирус жадаллик билан тарқала бошлагач, Ухань — инфекция ўчоғи деярли қамал ҳолатига ўтиб олган.
Олимларнинг таъкидлашича, Хитой ҳукумати АҚШ ёки Италиядан олдин коронавирус тақалишига қарши чораларни кўргани сабаб касалликнинг оммавий тарқалишининг олди олинди. Агарда Қўшма Штатлар 1-2 ҳафта олдинроқ карантин эълон қилганида камида 645 минг одам касалликка чалинмаган ва яна 36 минг одам омон қолган бўларди.
Италияда аниқланишича, COVID-19’га қарши кураш чоралари ўз вақтида кўрилганида мамлакатда ҳозирда касалликка чалинганларнинг 200 минги соғлом қоларди. Бутун Европада эса ушбу кўрсаткич 3,1 миллионга етиши мумкин эди.
Тадқиқот хулосаларига кўра, кўплаб давлатлар асосий мақсадга эришишга муваффақ бўлган — COVID-19 репродукцияси (урчиши) бирликдан камайган. Бу касалликни ташувчи бир кишига ёки максимум бир неча кишига юқтириши мумкинлигини билдиради.
Изоҳ (0)