“Manchester Siti” va Angliya terma jamoasining sobiq himoyachisi Mayka Richards Buyuk Britaniyadagi irqiy kamsitishlar haqida gapirdi.
“Hatto hozir ham, ko‘chada ketayotganimda ayollar sumkasini mahkamroq ushlab oladi, odamlar esa orqaga o‘girilib, menga xuddi kelgindiga qaragandek nazar soladi.
Ochig‘i, bularning barchasini tushuntirish qiyin. Insonlar odatda: ‘Gap irqda emas’, — deydi. Ammo bu tuyg‘uni qalbimizning tubida his etish mumkin.
Mening bir nechta oq tanli do‘stlarim bor va hozir ular men o‘zimni qanday his qilishimni tushunishni boshladi. Ularni ko‘r deyishdan yiroqman, lekin odatiy hayotda ular buni sezmaydi”, — deydi Mayka Richards.
Mayka 2006—2012-yillarda Angliya terma jamoasi sharafini himoya qilgan. “Manchester Siti” tarkibida esa Angliya kubogi (2011), Angliya Premyer Ligasi (2012) va Angliya Liga Kubogida (2014) g‘olib bo‘lgan.
Mavzuga doir:
- Gabriel Jezus: “Irqchilarning miyasi yo‘q”
- Tyerri Anri Jorj Floydning o‘limi haqida: Biz o‘zgarishlarni talab qilamiz
- Kevin-Prins Boateng irqchilik haqida: Politsiya meni hech qanday sababsiz to‘xtatadi. Sayr qilib yurganimda odamlar ko‘chaning narigi tarafiga o‘tib ketadi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)