O‘zbekistonda koronavirsga topshirilgan test natijasi birinchi marta xatolik sababli koronavirus borligini ko‘rsatsa, qayta topshirilgan test esa virus yo‘qligini ko‘rsatsa ham, test topshirgan kishi karantinga olinadi. Bu haqda Sanitariya-epidemiologiya nazorati davlat inspeksiyasi bosh inspektori Nurmat Otabekov 3-iyun, chorshanba kuni bo‘lib o‘tgan brifingda ma’lum qildi.
Uning so‘zlariga ko‘ra, agar birinchi marta koronavirusga topshirgan tahlil natijasi musbat chiqqan bo‘lsa, test topshirgan kishi kasalxonada nazoratda bo‘lishi kerak. Ikkinchi marta tahlil natijasi manfiy chiqsa ham mazkur shaxs 14 kun nazoratda bo‘ladi.
Qayd etilishicha, koronavirusga chalinganlarning ko‘pchiligi xalqaro yuk tashuvchi haydovchilar bo‘lib, epidemik noxush davlatlarga borib kelgan barcha haydovchilar 14 kun muddatga karantinga olinmoqda.Avvalroq oxirgi bir oyda 32 ta charter reys orqali 8 mingga yaqin, chegara postlari orqali 20 mingdan ortiq fuqaro O‘zbekistonga olib kelingani, ularning ko‘pchiligida kasallik aniqlangani haqida xabar berilgandi.
Shuningdek, qariyb 200 nafar xalqaro yuk tashuvchi haydovchida koronavirus aniqlangan. Hozirgi kunda uy sharoitida 26 ming, statsionarda 21 ming kishi karantinda qolmoqda.
Izoh (0)