Niderlandiyadagi xitoyliklarning Royal Palace restoranida mijozlarga robot ofitsiantlar xizmat ko‘rsatishni boshlaydi, deb xabar beradi AP.
Ma’lumotlarga ko‘ra, robot ofitsiantlar Renesse shahrida joylashgan restoranda koronavirus pandemiyasi boshlanishidan oldinroq paydo bo‘lgan. Restoran egasi robotlarni 2019-yilning kuzida Xitoydan sotib olgan. U o‘zining ushbu xaridi oradan bir necha oy o‘tgach qanchalik foyda keltirishini tasavvur ham qilib ko‘rmagan: robot ofitsiantlar koronavirus infeksiyasi va qattiq karantin choralari vaqtida kerak bo‘ldi.
Ta’kidlanishicha, endilikda restoran bo‘ylab ikkita ajoyib oq-qizil robotlar harakatlanmoqda. Ular restoran ochilishi bilan taom va ichimliklarni tarqatish, shuningdek, ishlatib bo‘lingan idish-tovoqlarni qaytarib olib kelish bilan shug‘ullanadi. Bundan tashqari, ular mijozlar bilan salomlashishga ham qodir.
Mavzuga doir: Janubiy Koreyada robotlar kafega tashrif buyurgan mijozlarning ijtimoiy masofalanishga rioya qilishida yordam ko‘rsatmoqda
Ma’lumotlarga ko‘ra, Niderlandiyada restoranlar ikki oylik tanaffusdan so‘ng 1-iyundan boshlab ochilgan. Restoranga tashrif buyuruvchi mijozlar soni bir vaqtning o‘zida 30 kishidan oshmasligi kerak.
Izoh (0)