Turkiston viloyatining Maqtaaral tumanida oqova suvlardagi baliqlar iste’molga yaroqsiz hisoblanadi. Bu haqda Qishloq xo‘jaligi vazirligi veterinariya nazorati va Nazorat qo‘mitasiga tayanib, Sputnik xabar berdi.
O‘zbekistondagi Sardoba suv omborining to‘g‘oni buzilganidan so‘ng, Maqtaaral tumani hududiga baliq oqib kelgan. Baliq namunalari 12-may kuni veterinariya laboratoriyasiga yuborilgan. Tahlillardan so‘ng baliqning ichki organlarida bir necha turdagi bakteriyalar topilgan. Shu sababli tuman hududida baliq ovlash taqiqlandi.
“Biz ekspertiza natijalarini oldik. Tahlil natijalariga asoslanib, hammani ogohlantiramiz: suv bosgan joylarda baliq ovlamang”, — deydi viloyat inspeksiyasining baliqchilik boshqarmasi boshlig‘i Shaken Boranbay.
Viloyat hududiy inspeksiyasi oqova suvlardagi baliqlarni yo‘q qilishni boshlagan.
Mavzuga doir:
Izoh (0)