Toshkentdagi Epidemiologiya, mikrobiologiya va yuqumli kasalliklar ilmiy-tekshirish instituti klinikasida 18-may kuni 18 nafar bemor koronavirusdan sog‘ayib, reabilitatsiyaga kuzatildi, deb xabar bermoqda SSV matbuot xizmati.
Tuzalganlarning 10 nafari erkak, 8 nafari ayollardir. Ularning 15 nafari chet eldan kelgan va karantinga olingan. Koronavirus aniqlangach, klinikaga yotqizilgan. Qolgan 3 nafari esa koronavirus infeksiyasiga chalinganlar bilan muloqot orqali kasallikni yuqtirib olgan. Hududlar kesimida oladigan bo‘lsak, 6 nafari Samarqand viloyatidan, 3 nafardan Toshkent va Qashqadaryo viloyatlaridan, 1 nafardan Toshkent shahri va Farg‘ona, Xorazm viloyatlaridan, 3 nafari esa Tojikiston respublikasidan. Bemorlar orasida eng yoshi kattasi 66 yoshda bo‘lsa, eng yoshi kichigi 3 yoshli egizaklardir.
Toshkent shahrida shu paytga qadar 733 nafar bemor sog‘aygan bo‘lsa, endilikda ular 751 nafarga yetdi.
Shu kuni Namanganda 7 kishi, Samarqandda 21 kishi koronavirusdan tuzalib, O‘zbekistonda jami sog‘ayganlar soni 2275 nafarga yetgani xabar berilgan edi. Endi esa sog‘ayganlarning umumiy soni 2293 nafarni tashkil etmoqda.
Kasallanganlarning umumiy soni esa 17-may soat 16:00 holatiga ko‘ra, 2779 nafarga yetdi. Bemorlarning 12 nafari infeksiya asoratlari oqibatida vafot etgan. Ayni paytda 473 nafar bemor davolanishda qolmoqda.
Izoh (0)