Yunusobod tumani 12-dahasidagi “Yangi hayot” MFYga qarashli ko‘p qavatli uylardan birida 14-may, payshanba kuni keksa yoshli ayolning hayoti saqlab qolindi. Bu haqda Toshkent shahar FVB matbuot xizmati xabar berdi.
Ma’lum bo‘lishicha, uyida yolg‘iz bo‘lgan keksa ayolning qon bosimi ko‘tarilgan va qo‘shnilar chaqirig‘iga uy ichidan javob bergan, ammo eshikni ochish uchun harakat qila olmasligini aytgan.
Murojaat qo‘shnilar tomonidan 1050 qisqa raqami orqali aytilgan. Toshkent shahar Favqulodda vaziyatlar boshqarmasining maxsus-qutqaruv guruhi tomonidan olib borilgan tezkor choralar natijasida fuqaroga o‘z vaqtida yordam ko‘rsatilgan.
Izoh (0)