“Daryo” tahririyatiga Samarqand viloyati Paxtachi tumani Toma qishlog‘ida yashovchi Yulduz Ravshanova turmush o‘rtog‘iga yordam so‘rab murojaat qildi.
Foto: “Daryo”
Ismim Yulduz, yoshim 48 da. Turmush o‘rtog‘im Yunus Ravshanov 1970-yilda tug‘ulgan. Ikkita qizimiz bor. Ikkisini ham turmushga uzatganmiz. Men uy bekasiman. Erim turli tashkilotlarda qorovul bo‘lib ishlardi. Qizlarimizni uzatib, endi rohatini ko‘ramiz deganimizda, 2018-yil dekabr oyida birdan turmush o‘rtog‘imning oyoq-qo‘li ishlamay qoldi.
Viloyatimizdagi markaziy shifoxonada olib borganimizda, shifokorlar erimning bosh miyasida o‘simta borligini, shuning uchun insult bo‘lib qolganini aytishdi.
Shundan keyin uni bir necha bor davolatdik. Ammo operatsiya qilinib, o‘simta olinmaguncha davolarning foydasi yo‘qligini aytishdi.
Operatsiyaga esa 10 million pul kerak ekan, biroq bunga imkonimiz yo‘q.
Yunus Ravshanovning xonadoni
Hozir qo‘shnilarimizning issiqxonasida ishlayman. Bodringlarini terishaman. Ishlagan kunimga 30-40 ming so‘m berishadi. Shundan ro‘zgor qilaman. Erimni dori-darmonlarini olaman. Og‘riqlari kuchli bo‘lgani uchun qurbim yetganicha uni davolatyapman.
Mana erimni bir joyda qolganiga ham ikki yildan o‘tdi. Uyat bo‘lsa ham aytay xo‘jaynim hatto hojatlarini ham o‘zi qilolmaydi. Yonida doim kimdir turishi kerak. Birdan sudurgi beradi, gapirolmay qoladi. Gapiga tushunmayman. Juda ham qiynalib ketdim...
Men hamma narsaga chidayman, lekin erimning qiynalishini ko‘rib ezilib ketyapman. Endi qizlarni chiqarib, nabirali bo‘lib, rohatini ko‘raman deganda, bu ahvolga tushib turibdi.
Bu o‘simta boshiga judayam og‘riq beryapti. Ahvoli kundan kunga og‘irlashib boryapti. Uni tezroq operatsiya qildirishimiz kerak.
Shu muborak kunlarda barcha yurtdoshlarimizdan turmush o‘rtog‘imni sog‘ayib ketishi uchun yordam berishlarini so‘rayman...
Yunus Ravshanovga xayriya qilish istagida bo‘lganlar uchun kerakli ma’lumotlar:
Plastik karta Yulduz Ravshanovaning jiyani Holiqulova Iroda nomiga ochilgan
Agrobank: 86 00 04 17 62 11 12 02
Bog‘lanish uchun tel: (94)226-68-48
