“Barselona” hujumchisi Lionel Messi Argentinada koronavirusga qarshi kurash uchun o‘z hissasini qo‘shdi.
TyC Sports nashrining xabar qilishicha, Messi Garraxana fondiga 500 ming yevro o‘tkazib bergan. Mazkur mablag‘ Argentinadagi 8 ta shifoxonaga bo‘lib berilgan.
Messi o‘tkazib bergan mablag‘lar shifokorlar uchun himoya vositalari, ko‘p funksiyali monitorlar va qolgan vositalar uchun xarajatlarga ishlatilgan. Shuningdek, beshta sun’iy nafas oldirish apparati xarid qilingan.
Avvalroq Messi Kataloniyada koronavirusga qarshi kurash uchun 1 million yevro xayriya qilgandi.
Argentinada koronavirus yuqtirib olganlar soni 6200 dan oshdi. 1800 ortiq kishi tuzalgan bo‘lsa, 314 nafar odam vafot etgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)