Birlashgan millatlar tashkiloti bosh kotibi Antoniu Guterrish O‘zbekiston Respublikasi Prezidenti Shavkat Mirziyoyevga maktub yo‘lladi. Bu haqda Prezident matbuot xizmati xabar qilgan.
Maktubda Guterrish O‘zbekistonda koronavirusning tarqalishiga qarshi hukumat tomonidan ko‘rilgan choralarga baho berib, Sardobadagi falokat yuzasida O‘zbekiston hamda Qozog‘istonning suv toshqinidan talafot ko‘rgan xalqiga hamdardlik bildirgan. Xatning mazmuni bilan quyida tanishish mumkin:
O‘zbekiston Respublikasi Prezidenti Shavkat Mirziyoyev Janobi OliylarigaJanobi Oliylari!Global miqyosda o‘t ochishni to‘xtatish bo‘yicha men e’lon qilgan da’vatni qo‘llab-quvvatlab yo‘llagan maktubingiz uchun sizga samimiy minnatdorlik bildiraman. Ushbu da’vat butun dunyo bo‘ylab davlat va hukumat rahbarlari tomonidan, shuningdek, mintaqaviy sheriklar, fuqarolik jamiyati va din rahbarlari tomonidan ijobiy qabul qilingani meni ruhlantirdi. Eng muhimi, ushbu da’vatga bir qator o‘zaro nizolashayotgan tomonlar boshlang‘ich ijobiy munosabat bildirdi.Avval milliarder Alisher Usmonov Sardoba suv omboridagi texnogen vaziyat sabab yuz bergan suv toshqini oqibatida zarar ko‘rgan odamlarga 15 million dollar xayriya qilgani va Shavkat Mirziyoyev nomiga maktub yo‘llagani xabar qilingandi.Mojarolardan nomutanosib jabr ko‘rgan va pandemiya oldida yanada zaif bo‘lib qolganlar uchun men hali ham xavotirdaman, tinch aholi, ayniqsa, xotin-qizlar, bolalar va marginal guruhlarni himoya qilish uchun barchamiz mas’ul ekanimizni hamisha ta’kidlayman. Shu munosabat bilan siz rahbarlik qilayotgan mamlakatning mintaqada jabr ko‘rgan davlatlarga, shu jumladan, Afg‘oniston Islom Respublikasiga insonparvarlik yordami ko‘rsatish borasidagi sa’y-harakatlari uchun g‘oyat minnatdorman.
Sizning hukumatingiz tomonidan O‘zbekiston Respublikasida virusning tarqalishini jilovlash, shuningdek, pandemiyaning ijtimoiy-iqtisodiy, shu jumladan, aholining eng ehtiyojmand qatlamlari uchun oqibatlarini yumshatish bo‘yicha ko‘rilgan qat’iy choralarni yuksak baholayman. Hukumatingiz va rezident-koordinator boshchiligida BMTning Mamlakat guruhi o‘rtasidagi hamkorlik yuqori darajada ekani meni ruhlantiradi.
BMT qarama-qarshi tomonlar ezgu niyatlari yoki o‘t ochishni vaqtincha to‘xtatish to‘g‘risidagi bayonotlardan urushni yakunlashga, uzoq muddatli siyosiy yechimlar va barqaror tinchlikka erishishga o‘tishiga ko‘maklashish uchun barcha hukumat muassasalari va manfaatdor tashkilotlar bilan hamkorlikni davom ettiradi. Siz sa’y-harakatlarimizni qo‘llab-quvvatlashda davom etasiz, deb umid qilaman.
Shuningdek, Sirdaryo viloyatida to‘g‘on yorilgani to‘g‘risidagi xabarni chuqur qayg‘u bilan qabul qilganimni ta’kidlashni istardim. Uning oqibatidagi suv toshqinidan jabrlangan O‘zbekiston xalqi va qo‘shni Qozog‘iston xalqiga hamdardlik bildiraman. Muhtoj odamlarga yordam ko‘rsatishda O‘zbekiston va Qozog‘iston hukumatlari yaqindan o‘zaro hamkorlik qilayotganini yuksak baholayman.
Janobi Oliylari, sizga bo‘lgan yuksak ehtiromimni qabul qilgaysiz.
Eng ezgu tilaklar ilaAntoniu Guterrish,BMT bosh kotibi
Izoh (0)