Koronavirus pandemiyasi davrida o‘z hayotini xavf ostiga qo‘yib, ishini sidqidildan ado etayotgan insonlar bor. Bular ko‘cha supuruvchilar, sotuvchilar, jamoat transporti ishchilari, tibbiyot xodimlari va boshqalar. The Guardian ana shunday kasb egalarining suratlari jamlanmasini taqdim etdi.
Ispaniya, Valensiya
Otliq politsiya ofitseri Helana Gonsalvo Sanches. Sanchesning fikricha, vatani qiyin vaziyatda qolgan ushbu davrda ishlash uning uchun sharaf.
Jazoir
Nassiba Belgerbi, famatsevt. “Farmatsevtlar aholining xabardorligini oshirish, ularga virusdan himoyalovchi vositalar tarqatish bilan shug‘ullangan dastlabki tibbiyot xodimlaridir. Bu bizning vazifamiz. Biz vazifamizni faxr bilan bajarmoqdamiz”, — deydi Nassiba.
Shotlandiya, Glazgo
Robin Barklay, ko‘cha tozalash bo‘yicha pudratchi. Barklay hududlarni dezinfeksiya qilish orqali koronavirus tarqalishini kamaytirishiga, odamlarda umid uyg‘otishiga ishonadi.
Yaponiya, Tokio
Kunio Hayakava, baliq sotuvchi. Hayakava hamshaharlariga qulaylik yaratish uchun do‘konini ochiq qoldirishga qaror qildi. Uning aytishicha, pandemiya davrida ham mijozlar soni o‘zgarishsiz qolgan.
Shveytsariya, Lozanna
Yamilet Parra, 47 yosh, avtobus haydovchisi. Lozanna jamoat transportida haydovchi o‘tiradigan o‘rindiq alohida to‘sib qo‘yilgan, har bir haydovchida dezinfeksiya vositalari bor.
Portugaliya, Lissabon
Emiliya Lomba, Lissabondagi Benfika bozorida baliq sotadi.
Lomba uyida oilasi bilan qolib, ko‘proq xavfsizlikni ta’minlashi mumkinligini biladi, lekin u bozorda mijozlari bilan muloqot qilish imkoniyatiga egaligidan o‘zini omadli hisoblaydi.
Hindiston, Faridobod
Ranjan Bind, chiqindi yig‘uvchi. Har kuni ishlaydigan bu yigitning yagona himoya vositasi yuzini yopadigan mato.
Livan, Amchit
Riyad, AYoQSh ishchisi. U Alloh insonga qanday taqdir bitgan bo‘lsa, hammasi shunday bo‘lishiga ishonadi.
AQSh, Mayami
Gregoriy Stark, 54 yosh. Kiyimlar yuvish xizmatida ishlaydi. Stark o‘z xavfsizligi uchun har kuni niqob va qo‘lqopda ishlaydi.
Afg‘oniston, Kobul
Zaynab Sharifi, nonvoy. Yetti farzandning onasi agar u ishlamasa, ochlik oilasini koronavirusdan avval o‘ldirishini aytadi.
Turkiya, Istanbul
Bo‘lent Choban, suv tarqatish kompaniyasi xodimi. Choban pandemiya sharoitida ishlash xavfsiz emasligini yaxshi tushunadi, lekin oila boqish uchun ishlashga majbur.
Hindiston, Mumbay
Lalita Kesharvani, sabzavot sotuvchi. U eri bilan 22 yildan beri shu ish bilan shug‘ullanadi.
Janubiy Afrika, Yoxannesburg
Rize Jakobs, maktab o‘qituvchisi. Jakobs och fuqarolarga ovqat tayyorlab, tarqatish bilan shug‘ullanadigan oshxonada ko‘ngilli oshpaz sifatida faoliyat yuritadi.
Meksika, Tixuana
Gabriela Sanches, psixolog. U Espacio migrantlarga boshpana xizmatlari ko‘rsatish bo‘yicha markazda ishlaydi. Sanches bir oyda o‘rtacha 200 ta psixologik seans o‘tkazadi.
Portugaliya, Lissabon
Mariya da Pas Pareyra, Lissabon hayvonot bog‘ida primatlarga qaraydi. U hayvonot bog‘ini xavfli hudud deb hisoblamaydi.
Hartli Uintni, Buyuk Britaniya
Deyv Stenton, qassob. U jamiyatga foydasi tegishi uchun ishlashda davom etmoqda.
Ispaniya, Barselona
Kerolayn Bellz, 50 yosh, boshqotirmalar do‘koni sotuvchisi. Ayol ikki nafar ishchi bilan qo‘lqop va niqoblarda ishlaydi. U bir o‘zi yashagani, velosipedda ishga qatnagani uchun xavfli vaziyat yuzaga keltirmayotganini aytadi.
Serbiya, Mladenovats
Renata Gajik, supermarket ishchisi.
Argentina, Buenos-Ayres
Syuzanna Tuara, ko‘kat sotuvchi. Odamlar undan do‘konni yopmaslikni so‘ragan, uning o‘ziga ham ishlash yoqadi.
Fransiya, Myuluz
Deziriya Vagner, dafn etish xizmati agenti. Vagnerning ish tartibi pandemiya davrida o‘zgarib ketdi. Endi jasadlarni marosimga tayyorlash kerak emas, oilaviy yig‘inlar ham yo‘q.
BAA, Dubay
Arjun Shresta, ko‘cha tozalovchi. Nepallik erkak oilasini boqish uchun ishlashda davom etmoqda.
Izoh (0)