Bugun,

  • USD 11014.01
  • RUB 191.8
  • EUR 10674.78

AQSh rasmiylarining fikricha, Xitoy dori-darmon va himoya vositalarini to‘plab olish uchun koronavirus tarqalishi ko‘lami va uning xavflilik darajasi haqidagi ma’lumotlarni yashirib kelgan. Bu haqda AQSh Ichki xavfsizlik vazirligi hisobotiga tayanib, Associated Press xabar bermoqda.

Foto: AP Photo

Foto: AP Photo

Hujjatda aytilishicha, Xitoy koronavirusning xavflilik darajasini pasaytirib ko‘rsatgan holda tibbiy buyumlar olib chiqib ketilishini qisqartirib, importni oshirgan. Xitoy hukumati esa eksport cheklovlari borligini inkor etib, o‘zining savdo-sotiq ma’lumotlarini berishni kechiktirgan hamda uni chalkashtirib, yashirishga uringan.

Shuningdek, qayd etilishicha, Xitoy qariyb butun yanvar oyi davomida koronavirus xavfini Jahon sog‘liqni saqlash tashkilotidan yashirib, bu vaqtda himoya niqoblari, jarrohlik xalatlari va qo‘lqoplar importini ko‘paytirgan.

Ta’kidlanishicha, ushbu hisobot pandemiya boshlanganda Xitoyda import va eksportning g‘ayritabiiy o‘zgarganini tahlil qilish asosida tuzilgan. AQSh razvedka ma’lumotlariga ko‘ra, Xitoyning import va eksportidagi o‘zgarishlar 95 foiz ehtimollik bilan normadan oshib ketgan.

Avvalroq AQSh prezidenti Donald Tramp Pekinni koronavirusga oid faktlarni yashirgani uchun javobgarlikka tortishga va’da bergandi. Missuri shtati bosh prokurori esa koronavirus sabab Xitoyni sudga bergandi. G‘arb maxsus xizmatlari Xitoyni koronavirusga oid dalillarni yo‘q qilishda aybladi.

Ayni paytda dunyo bo‘yicha koronavirus bilan kasallanganlar soni 3,5 million kishidan oshgan.

Izoh
Asosiy yangiliklar
Mahalliy
Audiosi tarqalgan Oqqo‘rg‘on tumani IIB sobiq xodimi ushlandi
Mahalliy
Yunusobod tumani hokimligi sobiq mansabdori fuqaroni 30 ming dollarga chuv tushirdi
Mahalliy
O‘zbekistonda kelayotgan hafta boshida qanday ob-havo kutilmoqda?