Koronavirus pandemiyasi sabab Rossiyadagi chet el fuqarolar va fuqaroligi bo‘lmagan shaxslar uchun bir qator yengilliklar taqdim etiladi. Rossiya prezidenti Vladimir Putin tomonidan 18-aprel kuni imzolangan farmonga muvofiq, 15-martdan 15-iyunga qadar bo‘lgan vaqt oralig‘ida amal qilishi tugaydigan quyidagi hujjatlarning muddati uzaytiriladi:
- viza
- vaqtincha yashash uchun ruxsatnoma
- yashash guvohnomasi
- ishlash uchun ruxsatnoma, patent
- chet el ishchilarini jalb qilish va ulardan foydalanish uchun ruxsatnoma.
Shuningdek, 15-iyungacha bo‘lgan davrda ish beruvchilar va ish (xizmat)lar buyurtmachilari Rossiya qonunlarida belgilangan tartibda viza talab qilinmaydigan va patentga ega bo‘lmagan xorijiy fuqarolar va fuqaroligi bo‘lmagan shaxslarni ishchilar sifatida jalb qilish va ulardan foydalanish huquqiga ega.
Bunda mamlakatda o‘rnatilgan cheklovlar va aholining sanitariya-epidemiologik farovonligini ta’minlashga qaratilgan boshqa choralarini bajarish sharti qo‘yiladi.
Mavzuga doir:
- Senat raisi Tanzila Norboyeva o‘zbekistonlik migrantlar masalasida rossiyalik hamkasbidan yordam so‘radi
- O‘zbekiston TIV Rossiyaga mehnat muhojirlarini ma’muriy javobgarlikka tortmaslikni so‘rab, rasmiy nota yubordi
- Rossiyada og‘ir hayot sharoitlariga tushib qolgan o‘zbekistonliklarga yordam berish uchun “Saxovat” markazi tashkil etildi
Izoh (0)